ASỤSỤỤZỌ MGBAKWASA ỤKWỤ N’ABAMAHA NDỊ IGBO

Abstract

Nchọcha a bụ maka asụsụ ụzọ mgbakwasa ụkwụ n’abamaha ndị Igbo. Ndị Igbo na-esite n’asụsụ ha akọwapụta onwe ha, ọnọdụ ha, ekpemekpe ha, echiche ha, nkwenye ha na-ezi akparamagwa ha tụmadị n’ebe ọ metụgasịrị aha ha na-aza.Nke a gosịrị na asụsụ bụ ụzọ ndị Igbo na-esị ezipụta ebumunuche na mmasi ha nwere banyere  mpụtara aha ụfọdụ dị iche iche ha na-abagasị ụmụntakịrị ha tụmadị site n’asụsụ ha. Ha kwenyere na asụsụ bụ ụzọ mgbakwasaụkwụ n’abamaha na ndụ ha n’ihi na onye kpọọ ọba ya mkpọmkpọ ọba, agbataobi ewere ya kpoo ntụ. Ebe ọ bụ asụsụ ka e ji akọwapụta onwe. Ndị Igbo na-eji asụsụ akọwapụta aha ha nke bụ njịrịmara ndị. Nwanchọcha gbakwasara ụkwụ na atụtụ njieme.  Ndi nchọcha a gbasoro usoro nkọwasi site n’ịgba ndị okenye Igbo ajụjụ ọnụ n’ụzọ pụrụ iche. Nwanchọcha bu n’uche ịkọwapụta mpụtara aha, uru ọ bara ma gosipụta ezi ụkpụrụ ya n’asụsụ Igbo. Aro nchọcha a bụ na ndị nne na nna ga-enye aka ịkụnye ezi ụkpụrụ na ndụ ụmụntakịrị site n’ izipụta ya n’akparamagwa na ndụ ha na-ebe tụmadị ebe ọ metụtara aha dị iche ịche ha na-azagasi. Ọzọ, ndị nne na nna ga-agbambọ ịba ụmụntakịrị ha aha nwere ezi mpụtara ma gbadosịa ụkwụ ike n’asụsụ Igbo. Nke a ga-eweta ọdịmma na ọganihu n’ebe ọ pụrụ ịche ma mee ka ndị Igbo bụrụ ndị nwere obi mmekọrịta mmadụ na ibe ya. Nchọcha a ga-abịa n’isi njedebe site n’ịchọpụtagasi ihe ga-enyere ndị Igbo aka ịga n’ihụ ma mee ka ha bụrụ ndị e ji ezi aha mara.